khushion ki talash main gham sehtay hain
Kaisi be wafa dunya main hum rehtay hain
paliya hai raaz un say dosti karnay ka
jo sunna chahtay hain woh hum kehtay hain
bhool gai woh hamain chalo koi baat nahin
hum konsay unki yaad main her dam rehtay hain
is khayal say hojata hai assan dushwar safar
manzil main bas ..do char qadam rehtay hain
jo ho but shikan dikhao torkay hamara dil
hamray dil main bhi hazar sanam rehtay hain
dil aisa ke ho jaisay regzaar e be aab
ab to aansoo bhi hamarayy be nam rehtay hain
aas, yaas, piyaas, woh ban gai sahme udas
us say mulaqat pay hum ik nazm kehtay hain
alfaaz key chunao main kahin der na hojay
jo dil ko lagay sach, hum aik dam kehtay hain
No comments:
Post a Comment